Эрдоғон COVID-19 дан соғайди
У яна ўз вазифасини бажаришга киришган.
Туркия президенти Ражаб Тоййиб Эрдўғон коронавирусдан тузалиб кетди. Бу сафар топширган COVID-19 тестининг натижаси салбий. Бу ҳақда давлат раҳбари Twitterʼдаги саҳифасида маълум қилди.
“Худога шукур, охирги икки кун давомида ўтказган синовларимиз салбий чиқди”, — деб ёзди у ижтимоий тармоқда.
Туркия раҳбари, шунингдек, шифо топиши учун дуо қилган барчага миннатдорчилик билдирди.
Президентни даволовчи шифокори Серкан Топалоғлининг сўзларига кўра, Эрдўғон яқин кунларда, эҳтимол эртага нормал ишига қайтиши мумкин. Топалўғлининг қўшимча қилишича, биринчи хоним Эмине Эрдўғонда ҳам касаллик енгил аломатлар билан ўтган ва ҳозирда унинг аҳволи яхши.
Маълумот учун: Эрдўғон 5 феврал куни коронавирус билан касалланганини эълон қилган эди. У ва рафиқаси учун COVID-19 ижобий синовдан ўтган.
Эслатиб ўтамиз, аввалроқ 14-15 феврал кунлари Туркия раҳбарининг БААга ташрифи кутилаётгани ҳақида хабар берилганди.
Насиба Тўхтаева
