Симеоненинг ўғли “Атлетико” билан шартномасини узайтирди
У жамоага 2020 йил қўшилганди.
Мадриднинг “Атлетико” клуби ярим ҳимоячиси Жулиано Симеоне испан жамоаси билан 2025 йилнинг ёзига қадар янги шартнома имзолади. Бу ҳақда “Sport.es” нашри хабар бермоқда.
“Атлетико Мадрид” билан шартномамни узайтирганимдан жуда хурсандман ва улар менга билдирган ишончни оқлашга умид қиламан. "Атлетико Мадрид" менинг оилам", — дейди Симеоне.
19 ёшли Симеоне бош мураббий Диего Симеоненинг ўғли ҳисобланади. Жорий мавсумда аргентиналик ярим ҳимоячи “матрасчилар”нинг иккинчи жамоаси сафида 12 та гол урди. Кичик Симеоне испан клубига 2020 йил сентябрь ойида
Аргентинанинг “Ривер Плейт” жамоасидан келиб қўшилган эди.
Аввалроқ, “Бавария” клуби ҳимоячиси Лукас Эрнандес қамоқ жазосига ҳукм қилингани ва энг яхши тўпурар номига Агуэро номи қўйилиши ҳақида хабар берилганди.
Жамшидбек Амиров
