0
Коронавирус оқсили Халқаро космик станцияга юборилади
Илк намуналар 18 март куни “Союз МС-21” кемасида учирилади.
"3D Bioprinting Solutions” компанияси бошқарувчиси Юсуф Ҳусайнийнинг берган маълумотига кўра намуналардан бир қанча тажрибалар ўтказилади.
Илк намуна коронавируснинг нуклеокапсид оқсили бўлади. Шунингдек мутаҳассиснинг айтишича станцияга вируснинг ўзи эмас, унинг кичик бир зарраси юборилади.
Оқсил намуналари уч қатламдан иборат бўлган махсус контейнер ичига жойлаштирилади. Шу сабаб экипаж аъзолари учун ҳеч қандай хавф туғдирмайди.
Тажриба 8 кун давом этади ва унда вирус оқсилининг кристаллари 3Д-принтери ёрдамида тайёр ҳолатга келтирилади. Белгиланган вақтдан сўнг намуналар ерга қайтарилади.
