Роналдиньо яна майдонда: афсонавий футболчи расмий ўйинда қатнашмоқда
46 ёшли футболчи Италиянинг “Равенна” клуби сафида “Форли”га қарши баҳсни асосий таркибда бошлади.
Бразилиялик афсонавий футболчи Роналдиньо 11 йилдан ортиқ танаффусдан кейин расмий учрашувда майдонга тушди.
46 ёшли собиқ футболчи айни пайтда Италиянинг «Равенна» клуби сафида «Форли»га қарши баҳсда иштирок этмоқда. У Италия C сериясининг 14-туридан ўрин олган учрашувни асосий таркибда бошлади.
Роналдиньо сўнгги бор 2015 йил сентябрь ойида Бразилиянинг «Флуминенсе» клуби сафида расмий учрашувда майдонга тушганди ва 2018 йилда профессионал футболчилик фаолиятини якунлаганини эълон қилган.
Эслатиб ўтамиз, Роналдиньо 2002 йилда Бразилия терма жамоаси билан жаҳон чемпиони бўлган. 2005 йилда эса «Олтин тўп» мукофотини қўлга киритган.
