АҚШ пойтахти янги пандемия ўчоғига айланиши мумкин

 

Америкалик биологлар АҚШ пойтахтида тадқиқот ўтказиб, Вашингтон каламушларнинг улкан уйига айланиб қолганини аниқлади.  Бу зараркунандалар ерости йўлларида хавфсиз яшаб, тез кўпаймоқда. Бунинг устига улар емиш қидириб, ер остига тез-тез чиқа бошлаган.

 

Улар одамларни кўрқитиш ва шаҳар кўркини бузишдан ташқари, инфекцион касалликлар ўчоғи ҳам саналади. Шунинг учун олимлар янги эпидемия хавфидан огоҳлантирмоқда. АҚШ касалликлар профилактикаси ва назорати маркази Колумбия округида одамнинг хантавирусга чалинишининг икки ҳолати қайд этилганини эълон қилди.

 

Хантавирус кемирувчилар орасида тарқалувчи вирус бўлиб, одамга озиқ-овқат маҳсулотлари ва сув орқали юқади. Алоҳида ҳолатларда вирус юқишига каламуш тишлаши ҳам сабаб бўлади.

 

Хантавирусдар инсон организмига тушиб юқори ҳарорат чақириши, буйрак, юрак ва ўпкаларни ишдан чиқариши мумкин. Ҳозиргача бу вирусдан аниқ даво чораси йўқ. Шифокорлар фақат беморнинг зарарланган органларини даволаши мумкин.

 

Эслатиб ўтамиз, аввалроқ Pfizer компанияси расмийси Микаел Долстен инвесторларга тақдимотида, коронавирус пандемияси дунёнинг баъзи қисмларида ҳозирги вазиятда бўлгани каби яна бир ёки икки йил давом этишини кутишларини, бошқа мамлакатларда эса пандемиянинг «эндемик» ҳолатга ўтишини таxмин қилинаётганини маълум қилганди.