Гонконгда карантин юмшатилади
Чекловларнинг сақланиб қолиши иқтисодиётга салбий таъсир ўтказиши қайд этилган.
Гонконг 21 апрелдан бошлаб коронавирус чекловларини юмшатади. Бу ҳақда Reuters агентлиги хабар берди.
Йил бошида Гонконгда COVID-19’нинг бешинчи тўлқини бошланган эди. Бу бизнесга қаттиқ зарба берди. шунингдек, сўнгги икки ойда касаллик қурбонлари сони 8600 нафарга етди.
“Аниқланаётган ҳолатлар 70 мингдан 1000 тагача тушди. Агарда ҳукумат чекловларни юмшатмаса, фикримча, бу Гонконг жамияти ва иқтисодиётига катта таъсир ўтказади”, – деган Гонконг администрацияси раҳбари Кэрри Лам.
21 апрелдан бошлаб гўзаллик салонлари, кинотеатр ва тренажор заллари қайта очилади. Шунингдек, 4 кишигача бўлган йиғилишларга рухсат берилади. Ресторанлар кечки соат 22:00гача ишлаши мумкин. Шу билан бирга бар, пляж ва айрим рбъектлар фаолиятига қўйилган тақиқлар кучда қолади.
Аввалроқ Британияда коронавируснинг янги штамми аниқлангани тўғрисида хабар берилганди.
