Коронавирус турлари кўпайишда давом этмоқда: Британияда янги штамм аниқланди
У COVID'нинг икки варианти қўшилишидан пайдо бўлган.
Буюк Британияда коронавируснинг янги штамми — ХЕ аниқланди. Бу ҳақда "Коммерсантъ" хабар берди.
Олимлар ҳозирда унинг қай даражада хавфли эканини аниқламаган. Янги вариант BA.1 ва BA.2 "омикрон" штаммлари қўшилишидан пайдо бўлган. Буюк Британия соғлиқни сақлаш хавфсизлиги агентлиги (UKHSA) маълумотларига кўра, 22 март кунги ҳолатга кўра, мамлакатда XE билан боғлиқ 637 ҳолат аниқланган.
UKHSA бош тиббий консультанти Сьюзан Хопкинс бу каби рекомбинатлар одатда популяциядан тезда мустақил кетишини таъкидлаган.
"ХЕ рекомбинати тарқалишнинг ўзгарувчан тезлигини кўрсатди ва биз ҳозир аниқ нимадир дея олмаймиз. Ҳозирча вируснинг трансмиссивлиги, оғирлиги ёки унга вакциналарнинг таъсири ҳақида хулоса чиқариш учун етарли далиллар йўқ", — деган Хопкинс.
Аввалроқ ЖССТ коронавирус билан боғлиқ ўлим ҳолатлари кўпайганини маълум қилганди.
