Дунёда қўйиш тақиқланган исмлар рўйхати очиқланди

 

Унда ушбу исмларнинг қандай сабабларга кўра тақиқлангани ҳам айтилган. 

 

Қайд этилишича, қуйида келтириладиган исмлар бир ҳудуд учунгина тегишли ҳисобланади.

 

Мексика, Сонора штати: Facebook

Исмнинг маъноси: ижтимоий тармоқ.

Тақиқланиш сабаби: Мексиканинг ушбу штатида «мантиққа тўғри келмайдиган» исмлар қўйиш тақиқланган.

 

Мексика, Сонора: Гарри Поттер

Исмнинг маъноси: романлардаги хаёлий сеҳргар билан боғлиқ.

Тақиқланиш сабаби: исм болани масхара қилинишига сабаб бўлиши мумкин.

 

Австралия: Ikea

Исмнинг маъноси: Швеция мебель супермаркетлари тармоғи.

Тақиқланиш сабаби: бола исмига мос келмайди.

 

Австралия: iMac

Исмнинг маъноси: Apple томонидан ишлаб чиқарилган стол компьютери.

Тақиқланиш сабаби: бу шахснинг исми эмас, балки буюм.

 

Аргентина: Месси

Исмнинг маъноси: афсонавий футболчи Лионель Мессининг фамилияси.

Тақиқланиш сабаби: фамилияларни исм сифатида ишлатиш мумкин эмас.

 

Саудия Арабистони: Линда

Исмнинг маъноси: юмшоқ, мулойим, чиройли.

Тақиқланиш сабаби: хорижий.

 

Саудия Арабистони: Амир

Исмнинг маъноси: князь.

Тақиқланиш сабаби: саудияликлар фарзандларига қироллик оиласига тегишли исмларни қўймаслиги керак.

 

Саудия Арабистони: Малек

Исмнинг маъноси: шоҳ.

Тақиқланиш сабаби: бу исм фақат қироллик оиласи аъзолари учун мўлжалланган.

 

Буюк Британия: Цианид

Исмнинг маъноси: ҳалокатли заҳар.

Тақиқланиш сабаби: Исм келажакда болага зарар етказиши мумкин.

 

Германия: Усама бин Ладен

Исмнинг маъноси: «Ал-Қоида» собиқ раҳбарининг исми.

Тақиқланиш сабаби: ҳақоратомуз.

 

Япония: Акума

Исмнинг маъноси: шайтон.

Тақиқланиш сабаби: болани масхара қилишдан ҳимоя қилиш.

 

Германия, Малайзия, Мексика ва Янги Зеландия: Адольф Гитлер.

Исмнинг маъноси: фашистлар Германияси раҳбарининг исми.

Тақиқланиш сабаби: ҳақоратомуз.