Шри Ланка ҳукумати қулади
Вазирлар оммавий равишда лавозимларини тарк этмоқда.
Шри Ланканинг бир гуруҳ вазирлари мамлакатдаги иқтисодий ва сиёсий инқироз шароитида ўз лавозимларини тарк этиш қарорини эълон қилди.
Қишлоқ хўжалиги вазири Маҳинда Амарашира мамлакатга ўғит етказиб берилиши биланоқ ўз лавозимини тарк этишини айтди. Меҳнат ва туризм вазирлари Мануша Нанаяккара ва Харин Фернандо, шунингдек, инвестиция вазири Дҳамикка Перера ва транспорт вазири Бандула Гунавардана ўз лавозимларини тарк этишмоқда.
Намойишчилар президент қароргоҳини эгаллаб олганида кейин Шри Ланка бош вазирининг уйига ўт қўйилган.
Эслатиб ўтамиз, Шри Ланка Президенти Готабая Ражапакса 13 июль куни истеъфога чиқишини маълум қилди. Бош вазир Ранил Викрамасинге ҳам ўз лавозимини тарк этишга тайёрлигини эълон қилган. Мамлакатни вақтинча парламент спикери бошқаради.
