Ўзбекистонда Марказий Осиёда ягона “Инновацион вакциналар маркази" ташкил этилади
Марказни Тошкент вилоятида ташкил қилиш таклиф этилмоқда.
Инновацион ривожланиш вазири ва “Luye Invetment Group Co.,Ltd” компанияси билан ҳамкорликда 2023-2028 йилларда умумий қиймати 100 млн. долларга тенг бўлган “Инновацион вакциналар маркази”ни ташкил этиши бўйича Меморандум имзоланди.
“Инновацион вакциналар маркази” – Марказий Осиёда ягона тўлиқ циклли биотехнологик ишлаб чиқиш корхонаси бўлиб, маҳаллий ва МДҲ мамлакатлари бозорини юқори технологик маҳсулотлар билан таъминлаш имконини беради. Лойиҳа доирасида гепатит А, гепатит Б, папиллома, қизамиқ, қоқшол ва бошқа касалликлар вирусларини даволашда ишлатиладиган умумий ҳажми 2 млрд. долларга тенг бўлган 10 хил вакцинани йилига 200 миллион дозада ишлаб чиқариш кўзда тутилган.
