Фарғонада автомобиль велосипедчини уриб юборди: жабрланувчи шифохонада вафот этди
Ҳозирда ҳолат юзасидан терговга қадар текширув ҳаракатлари олиб борилмоқда.
Фарғона вилоятининг Қўштепа туманида автомобиль велосипедчини уриб юбориши оқибатида йўл-транспорт ҳодисаси содир бўлди. Оғир тан жароҳатлари билан шифохонага етказилган велосипедчи кўрсатилган тиббий ёрдамга қарамай вафот этди.
Фарғона вилояти ИИБ ЖХХ ЙҲХБ ахборот хизматининг маълум қилишича, ҳодиса 2026 йил 13 ноябрь куни соат 20:40 ларда Қўштепа тумани Намуна МФЙ ҳудудидан ўтувчи автомобиль йўлининг 5-километрида юз берган.
Chery Tiggo 2 Pro русумли автомобиль ҳайдовчиси йўлнинг белгиланмаган қисмидан ҳаракатланаётган велосипедчини уриб юборган.
Оқибатда оғир тан жароҳатлари олган велосипедчи шифохонага олиб борилган. Бироқ шифокорлар саъй-ҳаракатларига қарамай, унинг ҳаётини сақлаб қолишнинг имкони бўлмаган.
Ҳозирда ҳолат юзасидан терговга қадар текширув ҳаракатлари олиб борилмоқда.
