Франция ўз фуқароларини зудлик билан Эронни тарк этишга чақирди
Французларга қамоқ хавф солмоқда.
Франция Ташқи ишлар вазирлиги Эронда бўлган фуқароларига имкон қадар тезроқ мамлакатни тарк этишни тавсия қилди. Бу ҳақда “РиаНовости” нашри ёзмоқда.
“Эрондаги ҳибсга олиниш хавфини ҳисобга олган ҳолда Франция фуқароларидан имкон қадар тезроқ мамлакатни тарк этишлари сўралади”, — дейилади ТИВ хабарида.
Вазирлик маълумотларига кўра, Эронда французлар ҳибсга олиниш ва адолатсиз судланиш хавфига дуч келишмоқда.
“Франция элчихонасининг ҳибсга олинган фуқароларни консуллик ҳимояси билан таъминлаш имконияти жуда чекланган”, — дея қўшимча қилинган.
