Сербия Киевдаги элчихонасини ёпди
Шунингдек, Белград ўз фуқароларини Украинани тарк этишга чақирган
.
Сербия хавфсизлик нуқтаи назаридан Киевдаги элчихонасини ёпишга қарор қилди. Бу ҳақда мамлакатнинг Украинадаги дипломатик ваколатхонаси ўз сайтида маълум қилди.
“Сербия Республикасининг Украинадаги элчихонаси ўз ходимлари хавфсизлигини таъминлаш мақсадида вақтинча ёпилди”, — дейилади хабарда.
Энди дипломатик ваколатхона ходимлари Белградда фаолиятини давом эттиради.
Эслатиб ўтамиз, жорий йилнинг 13-феврал куни Сербия ТИВ фуқароларга Украинани тарк этишни ва у ерга бормасликни тавсия қилганди.
