Япония Бош вазири Хитой раҳбари билан учрашмоқчи
Бу уларнинг сўнгги уч йилдаги илк учрашуви бўлиши мумкин.
Япония Бош вазири Фумио Кисида ва Хитой раҳбари Си Цзинпиннинг учрашуви режалаштирилмоқда. Бу ҳақда икки мамлакат расмийлари маълум қилди.
Қайд этилишича, бу давлат раҳбарларининг сўнгги уч йилдаги илк учрашуви бўлиши мумкин.
Учрашув Таиланд ёки Индонезияда ташкил этилади. Етакчилар Япония ва Хитой ўртасида конструктив ва барқарор муносабатларни ўрнатиш бўйича музокаралар олиб бормоқчи.
Шунингдек, Кисиданинг Жанубий Корея Президенти Юн Сок Ёл билан учрашиши кутилмоқда.
Душанба куни Г20 саммити доирасида АҚШ Президенти Жо Байден ва Си Цзинпин ўртасида музокаралар ўтказилиши мумкин ва Япония расмийлари уларнинг учрашув натижаларини кузатиб боради.
