Apple Стив Жобснинг қарорига қарши ҳаракат қилмоқда
Компания янги лойиҳа устида ишлаяпти.
"Apple" ўзининг биринчи сенсор экранли ноутбукини ишлаб чиқмоқда.
Маълумотларга кўра, компания муҳандислари ушбу лойиҳа устида фаол ишламоқда. Бироқ инновацияни амалга ошириш бўйича якуний қарор ҳали қабул қилинмаган. Компания узоқ вақт давомида ноутбукларни сенсорли экранлар билан жиҳозлаш ғоясини рад этиб келган.
"Apple" асосчиси Стив Жобс бундай қарорни “эргономик нуқтаи назардан даҳшатли” деб ҳисоблаган. Бундан ташқари, компания ноутбукларга сенсорли экранларнинг ўрнатилиши iPad планшетлари савдосига салбий таъсир кўрсатишидан қўрққан.
Ўзгаришларга сўнгги йилларда MacBook ноутбуклари компанияга iPad’дан кўра кўпроқ пул олиб кела бошлагани таъсир кўрсатган. "Apple" биринчи сенсорли ноутбукини 2025 йилда ўзининг флагмани MacBook Pro янгиланиши билан тақдим этиши кутилмоқда.
