Уйига бостириб кириб, машинага мажбурлаб ўтқазишди: Россияда ўзбекистонлик эркакни ўғирлаган тўда жазоланди
Эркакдан товламачилик йўли билан пул талаб қилган тўрт киши қамалди.
Россиянинг Санкт-Петербург шаҳрида Ўзбекистон фуқаросини ўғирлаш ва ундан товламачилик йўли билан пул талаб қилишда айбланган тўрт кишига суд ҳукми ўқилди. Бу ҳақда 78.ru хабар берди.
Судларнинг қўшма матбуот хизмати маълумотига кўра, ҳодиса 2025 йил март ойида содир бўлган. Айбланувчилардан бири ҳужумни режалаштирган ва асли Ўзбекистондан бўлган эркакнинг Санкт-Петербургдаги уйига келган.
Шундан сўнг жиноят иштирокчилари эркакни машинага мажбурлаб ўтқазиб, ундан 200 минг рубль талаб қилган. Агар у пул бермаса, бурнини синдириш билан қўрқитишган.
Судда айбланувчилар ўз айбларини тан олмаган.
Якуний ҳукмга кўра, тўрт нафар судланувчининг барчаси 5,5 йилдан 6 йилгача бўлган муддатга юқори хавфсизлик колониясига ҳукм қилинган.
