Икки ўсмир кекса аёлнинг уйини портлатиб юборди
Ҳаммаси ўйиндан бошланган.
Англиянинг Суррей графлигида ўсмирлар кекса аёлнинг почта қутисига петарда ташлаб юборганидан кейин у ҳалок бўлди.
2021-йил 21-октябрда 18 ёшли Кай Купер ўзининг дўсти билан дўкондан пиротехника сотиб олди.
"Мен тез портлайдиган ва баланд учадиган нарсани хоҳлайман", — деган Купер сотувчига.
Аввалига ёшлар ресторан ва паб яқинидаги кўчада бир нечта пиротехника отишган, автомашиналар ёнига петарда қўйишган ва ҳатто қўрқиб кетган ўткинчилар томон ҳам улоқтирган.
Шундан сўнг, ўсмирлар 88 ёшли Жозефина Смит яшаган уйга келишди. Бу вақтда у ухлаб ётарди. 17 ёшли йигит петардани олиб, йўл бўйлаб югуриб ўтиб, уни пенсионернинг почта қутисига ташлади. Тез орада иккита портлаш содир бўлди, шундан сўнг уй ёниб кетди. Купер ва унинг дўсти воқеа жойидан қочиб кетган.
