Самарқандда Афғонистон бўйича “тўртлик” учрашуви бўлиб ўтди
Учрашув Афғонистон ҳудудидан келаётган терроризм таҳдидлари ва наркотик моддаларнинг ноқонуний айланишига қарши кураш масалаларига бағишланди.
Афғонистон бўйича минтақавий тўртлик давлатлари – Россия, Хитой, Эрон, ва Покистон ташқи ишлар вазирларининг иккинчи норасмий учрашуви ўтказилди.
“Учрашув Афғонистон ҳудудидан келаётган терроризм таҳдидлари ва наркотик моддаларнинг ноқонуний айланишига қарши курашиш бўйича минтақавий саъй-ҳаракатларни мувофиқлаштиришни кучайтириш имконини берди”, дейилади Россия ТИВ хабарида.
Иштирокчилар Афғонистондаги ҳалокатли вазият учун масъулиятни АҚШ ва унинг иттифоқчилари зиммасига юкламоқда.
Томонлар Афғонистон ва унинг атрофидаги минтақада АҚШ-НАТО ҳарбий инфратузилма объектларини жойлаштириш номақбуллигини қайд этди.
