Энрике Иглесиас оғир касалликка чалинди
Хонанда соғлиғи билан боғлиқ муаммолар сабаб бир қатор чиқишларини бекор қилишга мажбур бўлди.
Хонанда бир кун олдин пневмониянинг оғир даражаси туфайли узоқ таътилга чиқди. Боз устига, Энрике Мексикадаги фестивалда чиқиш қилиши керак эди, бироқ у ўз чиқишларини бошланишига бир неча соат қолганида бекор қилишга мажбур бўлди.
“Менинг бугунги Мексикадаги намойишим бекор қилиниши керак эди. Менга пневмония ташхиси қўйилди, шифокорлар тўлиқ дам олишни талаб қилишди, менга парвоз қилиш тақиқланди. Мен учун жуда катта аҳамиятга эга бўлган мамлакатда намойишларимни бекор қилганимдан жуда афсусдаман”, — деди хонанда.
