Словения билан иқтисодий ҳамкорлик йўлга қўйилади
Бу бўйича Президентнинг тегишли қарори қабул қилинди.
“Халқаро шартномани тасдиқлаш тўғрисида”ги Президент қарорига мувофиқ, Ўзбекистон ҳамда Словения Республикаси Ҳукуматлари ўртасида иқтисодий ҳамкорлик тўғрисидаги битим тасдиқланди.
Мазкур битим 2023 йил 8 февраль куни Тошкент шаҳрида имзоланган.
Инвестициялар, саноат ва савдо вазирлиги ушбу халқаро шартномани амалга оширишга масъул бўлган ваколатли орган этиб белгиланди.
Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга кирганидан кейин унинг қоидалари амалга оширилиши устидан белгиланган тартибда назоратни таъминлайди.
