Саида Мирзиёева “BlackRock” раҳбарияти билан учрашди
Учрашувда 2027 йилда Тошкент халқаро молия маркази фаолиятини йўлга қўйиш масаласини муҳокама қилди.
Саида Мирзиёева Нью-Йорк шаҳрида “BlackRock” компанияси раҳбарияти билан учрашди. Унда компания президенти Роберт Капито, вице-раис Томас Донилон, “Global Infrastructure Partners”раиси ва бош ижрочи директори Адебаё Огунлеси, Молиявий ва стратегик инвесторлар гуруҳи глобал раҳбари ҳамда компаниянинг Яқин Шарқ минтақаси бўйича раҳбари Чарлз Хатами иштирок этди.
Учрашувда 2027 йилда Тошкент халқаро молия маркази фаолиятини йўлга қўйиш масаласи муҳокама қилинди. Қайд этилганидек, “BlackRock” Марказ концепцияси ва тузилмасини ишлаб чиқишда кўмаклашмоқда.
Шунингдек, АҚШ ишбилармон доиралари вакиллари иштирокида қўшма давра суҳбати ўтказилиб, Ўзбекистон ва Марказий Осиёнинг яқин ўн йилликларга мўлжалланган ривожланиш истиқболлари юзасидан фикр алмашилди.
Саида Мирзиёева Ўзбекистон йирик, самарали ва сифатли сармояларни жалб этиш учун янги имкониятлар майдонига айланиб бораётганини таъкидлади.
