Самарқандда тарихй объектларга 9 млрд сўмлик зарар етказилгани аниқланди
Ҳолат юзасидан жиноят иши қўзғатилган.
Бош прокуратура маълумотларига кўра, Самарқанд вилояти Ургут тумани «Мингтепа» маҳалласида жойлашган «Тўлқиртепа-1» тарихий археология ёдгорлигининг 163 метр куб ҳажмдаги ер майдони махсус техника ёрдамида ковлаб олиниб, объектга 4 млрд сўм зарар етказилгани аниқланди.
Шунингдек, ушбу туманнинг «Қуйиқишлоқ» маҳалласида жойлашган ўрта асрларга оид «Тешиктепа», «Деҳқонобод» маҳалласидаги «Қулқишлоқтепа-2» ва «Огаҳий» маҳалласидаги «Мозортепа» археология объектлари қисман бузилиши оқибатида жами 5 млрд сўм зарар етказилган.
Ҳозирда юқоридаги ҳолатлар юзасидан жиноят ишлари қўзғатилиб, тергов ҳаракатлари олиб борилмоқда.
