Instagram постларга чекловлар ўрнатди
Энди қабул қилинмаганлар фойдаланувчига чексиз сўровлар юбора олмайди.
Инстаграм нотанишларнинг шахсий хабарларидаги кирувчи тасвир ва видеолардан фойдаланувчиларни ҳимоя қилиш функциясини ишга туширди.
Энди қабул қилинмаганлар фойдаланувчига чексиз миқдордаги сўровлар юбориш ўрнига фақат битта хабар юбориши мумкин. Сўров қабул қилингандан кейингина хабар юборишни давом эттириш мумкин бўлади.
Бундан ташқари, сўровлар энди фақат матн билан чекланади, яъни сизни кузатмаётган киши чат таклифини қабул қилгандан сўнггина расмлар, видеолар ёки овозли хабарлар жўната олади.
Ушбу янги чекловлар билан одамлар энди ўзлари кузатмайдиган фойдаланувчилардан кераксиз суратлар ёки видеоларни олмайдилар, нотаниш одамлар эса уларга такрорий хабарларни юбора олмайдилар.
"Биз одамлар шахсий хабарларини очганда ўзларини ишончли ва назорат остида ҳис қилишларини истаймиз", — деди Мета аёллар хавфсизлиги бўлими раҳбари Синди Саутворт.
