Бензинга тўланадиган компенсация оширилди
31 августдан компенсациянинг янги миқдори белгиланди.
Қонунчиликка мувофиқ, бир қатор шахсларга автомобиль бензини сотиб олиш харажатларининг бир қисми ойлик пул компенсацияси сифатида тўланади.
Ҳукумат ҳузуридаги Идоралараро тариф комиссиянинг 2023 йил 31 августдаги қарори билан ушбу турдаги компенсациянинг янги миқдори белгиланди. Унга кўра, бензин учун компенсация миқдори 2023 йил III чоракдан бошлаб 119 640 сўмни ташкил қилади.
Эслатиб ўтамиз, компенсация олиш ҳуқуқига эга бўлган шахслар яшаш жойи бўйича пенсия ва нафақалар тайинланадиган органларга мурожаат қилади.
Бензин учун компенсация тўловлари "Ўзбекнефтгаз" АЖ томонидан молияшлаштирилади.
