Uzbekistan Airports’нинг Silk Avia’даги улуши Uzbekistan Helicopters’га ўтди
“Авиация фаолиятини самарали ташкил этишга оид қўшимча чора-тадбирлар тўғрисида”ги Президент қарори қабул қилинди.
“Авиация фаолиятини самарали ташкил этишга оид қўшимча чора-тадбирлар тўғрисида”ги Президент қарори қабул қилинди.
Ҳужжатга кўра, қуйидагилар амалга оширилади:
Silk Avia МЧЖ устав капиталидаги Uzbekistan Airports АЖнинг 100 фоиз улушини унинг брендини сақлаб қолган ҳолда Uzbekistan Airways АЖ таркибидаги Uzbekistan Helicopters МЧЖ устав капиталига ўтказилади;
Uzbekistan Аirports АЖнинг 3 та АТR72-600 русумли ҳаво кемаси Silk Avia МЧЖга беғараз ўтказилади;
Silk Avia МЧЖ фаолиятини самарали ташкил этиш ва ривожлантириш стратегиясини амалга ошириш доирасида АТR72-600 русумли ҳаво кемалари сони оширилади;
Uzbekistan Airways АЖ таркибидаги Uzbekistan Helicopters МЧЖ зиммасига маҳаллий авиақатновларнинг сонини ошириш, парвозлар географиясини кенгайтириш, янги йўналишларни йўлга қўйиш ҳамда АТR72-600 русумли ҳаво кемалари паркини ривожлантириш вазифалари юкланади.
