Ўзбекистон

Ўзбекистонда телефон рақами орқали пул ўтказиш тартиби белгиланди

Янги тартибга кўра, фуқаролар пул юборишда олувчининг банк ҳисобварағи ёки банк картаси реквизитларини киритиши шарт бўлмайди.

Ўзбекистонда телефон рақами орқали пул ўтказиш тартиби белгиланди

Ўзбекистонда жисмоний шахслар ўртасида мобил телефон рақами орқали пул ўтказмаларини амалга ошириш тартиби белгиланди. Марказий банк бошқарувининг тегишли қарори 24 август куни давлат рўйхатидан ўтказилди. Ҳужжат расмий эълон қилинган кундан уч ой ўтгач кучга киради.

 

Янги тартибга кўра, фуқаролар пул юборишда олувчининг банк ҳисобварағи ёки банк картаси реквизитларини киритиши шарт бўлмайди. Бунинг учун олувчининг мобил телефон рақами унинг банк ҳисобварағига боғланган бўлиши керак.

 

Пул ўтказмалари Марказий банкнинг Тезкор тўловлар тизими орқали амалга оширилади.

 

Фойдаланувчининг банк мобил иловасида рўйхатдан ўтган телефон рақами тегишли банк ҳисобварағига боғланади. Бир банк доирасида битта мобил телефон рақамини фақат битта банк ҳисобварағига бириктириш мумкин.

 

Боғлаш жараёни якунлангач, махсус “боғлаш коди” шакллантирилади ва банк мобил иловасида фойдаланувчига кўрсатилади. Фуқаро телефон рақамини ҳисобварағига боғлашни исталган вақтда мобил илова орқали ёки банкка бевосита мурожаат қилиб бекор қилиши мумкин.

 

Агар фойдаланувчи банк мобил иловасида янги телефон рақамини рўйхатдан ўтказса, аввалги рақам автоматик равишда янгисига алмаштирилади.

 

Пул юборувчи банк мобил иловасидаги тегишли майдонга олувчининг телефон рақами ёки “боғлаш коди”ни киритади. Шундан сўнг Тезкор тўловлар тизими олувчининг ҳисобварағи ҳақидаги маълумотларни аниқлайди.

 

Ўтказмани тасдиқлашдан олдин фойдаланувчига олувчининг Ф.И.О., банки ҳамда воситачилик ҳақи тўғрисидаги маълумотлар кўрсатилади. Шундан кейин тўловчи ўтказма амалга ошириладиган банкни танлаб, операцияни тасдиқлайди.

 

Мобил илова орқали амалга ошириладиган бундай пул ўтказмалари 24/7 режимида реал вақтнинг ўзида бажарилади. Банкка бевосита мурожаат қилиб амалга ошириладиган ўтказмалар эса банкнинг иш кунлари ва иш вақтида амалга оширилади.

 

Қарорда телефон рақами асосида пул ўтказмаларини амалга оширишда ахборот хавфсизлиги, киберхавфсизлик ва фирибгарликнинг олдини олиш бўйича амалдаги талабларга риоя этиш мажбурийлиги белгиланган.

 

Ўтказма муваффақиятли амалга оширилгач, тўловчига операцияни тасдиқловчи ҳужжат тақдим этилади. Унда ўтказма санаси ва вақти, тўлов тизимидаги рақам, банклар номи, тўловчи ва олувчининг маълумотлари, ўтказма ҳамда воситачилик ҳақи суммаси акс эттирилади.

 

Шундай қилиб, янги тизим ишга туширилгач, фуқаролар бошқа шахсга пул юборишда унинг банк реквизитларини излаб, киритиш ўрнига мобил телефон рақамидан фойдаланиши мумкин бўлади.

 

Маълумот учун, Ўзбекистонда 2026 йил март ойида банклар ўртасида Account-то-Account (А-А) хизмати ҳам ишга туширилган. У жисмоний шахсларга бир банк ҳисобварағидан бошқа банк ҳисобварағига тўғридан-тўғри пул ўтказиш имконини берган.

Хорижий корхоналар: Тошкент шаҳри ва вилояти етакчилик қилмоқда

Хорижий корхоналар: Тошкент шаҳри ва вилояти етакчилик қилмоқда

2026 йил 1 октябрь ҳолатига кўра, Ўзбекистонда хорижий инвестициялар иштирокидаги 22 мингдан ортиқ корхона фаолият юритмоқда.

Ўзбекистон Президенти давлат ташрифи билан Ўмонда бўлади

Ўзбекистон Президенти давлат ташрифи билан Ўмонда бўлади

Масқат шаҳрида олий даражадаги икки томонлама музокаралар ва бошқа тадбирлар бўлиб ўтади.

Фарғонада автомобиль велосипедчини уриб юборди: жабрланувчи шифохонада вафот этди

Фарғонада автомобиль велосипедчини уриб юборди: жабрланувчи шифохонада вафот этди

Ҳозирда ҳолат юзасидан терговга қадар текширув ҳаракатлари олиб борилмоқда.

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Жорий йилнинг дастлабки тўққиз ойида йирик корхоналар томонидан ишлаб чиқарилган ичимликлар қиймати 25,5 трлн сўмни ташкил этди.

Тошкентда кибержиноятларда гумонланган икки гуруҳ фош этилди: 72 киши ушланди

Тошкентда кибержиноятларда гумонланган икки гуруҳ фош этилди: 72 киши ушланди

Ҳолатлар юзасидан жиноят иши қўзғатилди.

Тошкентда ҳаво сифати: 15 ноябрь тонгида яхшиланиши мумкин

Тошкентда ҳаво сифати: 15 ноябрь тонгида яхшиланиши мумкин

Ҳозирда атмосфера ҳавоси сифати Махсус комиссия томонидан доимий мониторинг қилинмоқда.

Пахта хирмони 5 млн тоннадан ошди, аммо терим давом этмоқда — вазирлик

Пахта хирмони 5 млн тоннадан ошди, аммо терим давом этмоқда — вазирлик

Қишлоқ хўжалиги вазирлиги далаларда ҳали пахта борлиги ушбу натижани шубҳа остига қўймаслигини таъкидлади.

Бир ўриндиқ сабабли можаро: Тошкентда икки эркак 3 суткага қамалди

Бир ўриндиқ сабабли можаро: Тошкентда икки эркак 3 суткага қамалди

Метрода жой бермагани учун йўловчини ҳақорат қилган ва кейинчалик унинг ортидан борган эркакларга жазо тайинланди.