Қўқонда давлатга 12 млрд зарар етказган майнинг фермаси аниқланди
Ҳозирда ҳолат юзасидан ҳужжатлар расмийлаштирилиб, тегишли органларга юборилган.
Қўқон шаҳрида давлат манфаатларига 12 млрд сўмликдан зиёд зарар келтирган ноқонуний майнинг фермаси аниқланди. Бу ҳақда Энергетика вазирлиги хабар берди.
Маълум бўлишича, Қўқон шаҳрида жойлашган, ҳозирги кунда фаолиятини тўхтатган паррандачилик корхонаси биносида фуқаро M.N.ga қарашли 31 дона майнинг қурилмаси электр ҳисоблагичсиз, тўғридан-тўғри электр тармоғига уланиб, ноқонуний равишда фойдаланиб келган.
Дастлабки ҳисоб-китобларга кўра, давлат манфаатларига 12 млрд 369 млн 49 минг сўм (2 млн 794 минг кВт⋅соат) зарар етказилган.
Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилган.
