Ўзбекистон Франциядан 10 та тиббий вертолёт сотиб олмоқда
Мамлакатнинг тоғли ва чекка ҳудудларида тиббий авиация хизмати ташкил этилади.
Ўзбекистон Франциядан 10 та тиббий вертолёти сотиб олмоқда. Бу ҳақда Соғлиқни сақлаш вазирлиги маълум қилди.
Хабарга кўра, вазир А. Иноятов Самарқанд шаҳрида ўтказилган Ўзбекистон–Франция бизнес форумида қатнашиб, “Airbus Helicopters” компанияси раҳбарияти билан учрашган.
Музокара давомида Республика тез тиббий ёрдам тизими учун 10 та “Airbus Н-145” русумли тиббий вертолётларни харид қилиш ҳамда мамлакатда Европа стандартларига мос тиббий авиация хизматини ташкил этиш, бу соҳанинг моддий-техника базасини яратиш ҳамда мутахассислар тайёрлаш, тоғли ва чекка ҳудудларда тиббий авиация хизматини ташкил этиш механизмларини ишлаб чиқиш истиқболларини муҳокама қилган.
Ўзбекистондаги тез тиббий ёрдам тизими учун Франциянинг “Airbus Helicopters” компаниясидан 10 та тиббий вертолётлари харид қилинади.
