Самарқандда халқаро анжуман бошланди
Унда 40 дан ортиқ давлатлардан 300 га яқин олимлар иштирок этмоқда.
Бугун, 5 ноябрь куни Самарқанд шаҳрида “Ўзбекистон маданий мероси — янги Ренессанс асоси” VII Халқаро конгресси ўз ишини бошлади. Бу ҳақда Маданий мерос агентлиги хабар бермоқда.
Тадбирда 40 дан ортиқ давлатлардан келган 300 га яқин олимлар иштирок этади. Конгресснинг илмий қисми 5 та халқаро конференциядан иборат бўлиб, унда 120 га яқин маърузалар тингланади.
Шунингдек, “Ўзбекистон маданий мероси” туркумидан 10 та янги китоб тақдим этилиши режалаштирилган. Шу билан кино бўйича алоҳида анжуман ўтказилади.
Халқаро Конгресс 8 ноябргача давом этади.
