Яқин Шарқ фонида Укарина унутилмоқда — ОАВ
Зеленский учун бу «қўрқинчли» сигнал.
Ғарб Украина президенти Владимир Зеленскийга муносабатини ўзгартирмоқда, деб ёзмоқда The Telegraph нашри.
“Ғарбнинг нигоҳи Яқин Шарққа қаратилганидан Зеленскийнинг ҳафсаласи пир бўлди, айнан Украина Қуролли кучларининг қарши ҳужуми тугаш арафасида, чунки кузги ёмғир қўшинларнинг ҳаракатига тўсқинлик қилмоқда”, — дейилади хабарда.
Таъкидланишича, Украинани керак бўлган вақтгача қўллаб-қувватлаш ҳақидаги барча ваъдаларга қарамай, НАТО давлатлари ўртасидаги можаролардан чарчаш ҳар доим хавф туғдирган. Украинанинг ҳарбий ҳаракатларига энг катта ҳисса қўшган Америкадаги республикачилар ёрдам давом этишига шубҳа билан қарашади.
"Барқарор қурол-яроғ билан таъминланмаган бўлса, Украина келаси баҳорда хавфли лаҳзага дуч келади. Украина Қуролли кучларига ҳозирда янада илғор ҳаво ҳужумидан мудофаа тизимлари керак", — деб ёзади муаллифлар.
Уларнинг фикрича, Яқин Шарқдаги тартибсизликлар фонида Украина унутила бошлади.
Июнь ойининг бошидан бери Украина Қуролли кучлари Запороже, Южнодонетск ва Артемовск йўналишларида жанговар бўлинмаларни ўққа тутишга ҳаракат қилмоқда.
Путиннинг таъкидлашича, улар фронтнинг бирон бир соҳасида сезиларли муваффақиятларга эриша олмадилар. Мудофаа вазири Сергей Шойгунинг сўзларига кўра, қарши ҳужум бошланганидан бери Киев 90 минггача одам ва 600 га яқин танкини йўқотган.
