Тошкентда нега иситиш мавсуми бошланмаяпти?
Шаҳар ҳокимлиги нима сабабдан 6 ноябрдан иситиш мавсуми бошланмаганига изоҳ берди.
Ижтимоий тармоқларда Тошкент шаҳар ҳокимининг иситиш мавсумини бошлаш тўғрисидаги қарори қабул қилинган сана мавсумнинг амалдаги бошланиш санасидан фарқ қилиши тўғрисидаги маълумотлар тарқалди. Ҳолат юзасидан ҳокимлик расмий муносабат билдирди.
Аниқлик киритилишича, 2023-2024 йилги иситиш мавсумига 3 ноябрда айланма ҳаракат бошланишидан техник старт берилди.
Ҳоким қарорининг 2-бандида 2023 йил 3 ноябрь соат 00:00 дан бошлаб пойтахтда иссиқлик манбаларидан иссиқлик тизимининг айланма ҳаракат йўлга қўйилишини инобатга олиш назарда тутилган. Бироқ айланма ҳаракат бошланганидан сўнг бир қатор муаммолар аниқланган.
6 ноябрь куни иссиқлик таъминоти тармоғидаги муаммолар бартараф этилгач, ишга тушириш жадвалга мувофиқ бошланган, лекин таъмирлаш ишларини инобатга олган ҳолда 7 ноябрга ўтган.
