Венгрия Украинанинг Евроиттифоққа киришига қарши
“Украининг иттифоққа аъзолиги болкка уруш олиб келади”, Венгрия ТИВ раҳбари.
Украина Россия билан уруш тугамагунча Европа Иттифоқига аъзо бўла олмайди, чунки бу блокка уруш олиб келади.
Венгрия ташқи ишлар вазири Петер Сияртонинг айтишича, агар Украина иттифоққа қўшилса, уруш ҳеч ким истамаган ҳолда Европа Иттифоқига киради, шунинг учун тинчлик ўрнатилмагунча мамлакат блокка қабул қилиниши мумкин эмас.
ТИВ раҳбари, шунингдек, Украинани Европа Иттифоқининг миллий озчиликларга нисбатан тамойилларини бузаётганликда айблади.
Бундан ташқари, у Европа Иттифоқининг кенгайиши Ғарбий Болқондан бошланиши кераклигини таъкидлади.
Эслатиб ўтамиз, 8 ноябрь куни Еврокомиссия Европа Иттифоқи мамлакатларига Украина билан аъзо бўлиш бўйича музокараларни бошлашни тавсия қилганди. Аммо Киев бир қатор ислоҳотларни амалга ошириши керак. Бу ҳақда Европа Иттифоқи президенти Урсула фон дер Ляйен Брюсселдаги брифингда маълум қилди.
Унинг сўзларига кўра, Украина Европа Иттифоқи ундан кутган ислоҳотларнинг 90 фоизини якунлади, аммо келажакда тугалланмаган ўзгаришларни давом эттириши шарт.
