Эрон урушда бевосита иштирок этиш ниятида эмас — Reuters
Аммо Теҳрон ҲАМАСни қўллаб-қувватлайди.
Эрон ҳукумати Исроил ва ҲАМАС ўртасидаги урушда бевосита иштирок этиш ниятида эмас, аммо ҲАМАС вакилларини “сиёсий ва маънавий” қўллаб-қувватлашда давом этади. Бу ҳақда Reuters хабар берди.
Нашрга кўра, Эрон олий раҳнамоси Оятуллоҳ Хоманий ноябрь ойи бошида Теҳронда бўлиб ўтган учрашувида ҲАМАС етакчиси Ҳанига мамлакат Исроилга қарши урушга киришмаслигини очиқ айтган.
Эрон 7 октябрь куни ҲАМАСнинг Исроилга ҳужуми ҳақида огоҳлантирилмаган, деб ёзади агентлик ўз исмини ошкор қилишни истамаган Эрон ва ҲАМАСнинг учта юқори мартабали расмийсига таяниб.
Қайд этилишича, Ҳизбуллоҳ ҳам ҲАМАСнинг Исроилга қилган ҳужумидан ҳайратда қолган.
Аввалроқ Эрон Президенти Иброҳим Раиси Исроил ўз ҳаракатлари билан қизил чизиқларни кесиб ўтганини, бу эса ҳаммани чора кўришга мажбур қилишини айтган эди.
