ЖССТ Ал-Шифа касалхонаси билан алоқа узилганини маълум қилди
Биз шифокорлар ва беморлар хавфсизлигидан хавотирдамиз — Тедрос Гебреесус.
Жаҳон соғлиқни сақлаш ташкилоти Ал-Шифа касалхонаси ходимлари билан алоқа узилганини маълум қилди.
“Касалхонадаги тиббиёт ходимлари билан яна алоқамиз узилди. Биз шифокорлар ва уларнинг беморлари хавфсизлигидан жуда хавотирдамиз”, — деб ёзди ташкилот раҳбари Тедрос Адҳаном Гебреесус ижтимоий тармоқларда.
Чоршанба куни эрталаб Исроил армияси Фаластин анклавидаги касалхонага бостириб киригани маълум бўлди. Разведка маълумотларига кўра, унинг остида ҲАМАС базаси жойлашган. 7 октябрь куни ҲАМАС томонидан гаровга олинганларнинг баъзилари ҳам ўша ерда бўлиши мумкин, аммо ҳозирча уларнинг борлигига оид излар топилмаган.
