Маҳкумларга руҳий ва жисмоний босим қилингани бўйича Омбудсманга 147 та шикоят тушган
Бу ҳақда Омбудсман ахборот хизмати раҳбари Фотима Мадраҳимова маълум қилди.
Бу ҳақда Омбудсман ахборот хизмати раҳбари Фотима Мадраҳимова маълум қилди.
2023 йилнинг 10 ойида ҳуқуқни муҳофаза қилувчи органлар ходимлари томонидан ҳаракатланиш эркинлиги чекланган ёпиқ муассасаларда сақланаётган шахсларга нисбатан руҳий, психологик, жисмоний ёки бошқача тарзда босим ўтказилганлиги юзасидан Омбудсманга 147 та шикоят келиб тушган.
Ҳаракатланиш эркинлиги чекланган шахсларга руҳий, психологик босим ҳамда жисмоний қийноқлар қўллангани ҳақидаги аризаларнинг 28 таси бевосита мониторинг ташрифлари давомида амалга оширилган якка тартибдаги қабулларда, 23 таси ёпиқ муассасалардаги «Омбудсман қутиси» орқали, 46 таси пенитенциар муассасалар маъмурияти ва маҳкумларнинг (маҳбусларнинг) яқин қариндошлари томонидан почта алоқаси хизмати орқали аниқланган. Шунингдек, мурожаатларнинг 22 таси эса Омбудсман ва унинг масъул ходимлари томонидан амалга оширилган шахсий қабуллар пайтида маълум қилинган.
Яна 22 та мурожаат электрон тарзда ва 6 таси Омбудсманнинг “Ишонч телефони” орқали келиб тушган.
Маълум қилинишича, алоҳида таъкидлаш жоизки, руҳий, психологик, жисмоний ёки бошқача тарзда босим ўтказилганлиги тўғрисида ижтимоий тармоқларда тарқалган 21 та хабарлар ўрганилиб, бу бўйича муносабат билдирилган. Мутасадди вазирлик ва идораларга Омбудсманнинг 9 та талабномаси киритилган.
