Мирзиёевга Байрактар ТB2нинг парвози кўрсатилди
Давлат раҳбари Сурхондарёда ҳарбий қисмдаги ишлар билан танишди.
Президент матбуот хизматининг хабар беришича, Мирзиёев Сурхондарёдаги ҳарбий қисмга бориб, соҳадаги ишлар билан танишган.
Давлат раҳбари ушбу ҳарбий қисмда яратилган шароитлар, чегарани қўриқлашда қўлланилаётган ҳарбий техника ва қурол-аслаҳаларни кўздан кечирган. Бунда учувчисиз учиш аппаратларининг аҳамияти алоҳида таъкидланиб, уларни ишлаб чиқариш масалалари муҳокама қилинган.
Шундан сўнг, ҳарбий қисм томонидан Президентга Байрактар ТB2 разведка-зарба учувчисиз учиш аппаратининг парвози намойиш этилган.
Эслатиб ўтамиз, Шавкат Мирзиёев Сурхондарёга жўнаб кетган эди ва ўз ташрифин Ҳаким ат-Термизий мақбарасини зиёрат қилишдан бошлаганди.
