Тадбиркорлик фаолиятини янгидан бошлаганларга имтиёзли кредит берилади
Сўнгги 5 йилда оилавий тадбиркорлик дастурлари доирасида 607 минг нафар фуқаро имтиёзли кредитга эга бўлган.
Бугунги кунда давлат томонидан тадбиркорлар фаолиятини қўллаб-қувватлаш механизми фақатгина имтиёзли кредит бериш билан боғлиқ бўлиб қолгандек гўё. Шу муносабат билан экспертлар тадбиркорлар фаолиятини қўллаб-қувватлашда комплекс ёндашиш таклифини илгари суриб бунда тадбиркорларга нафақат молиявий ёрдам бериш балким уларни молиявий ва бизнес саводхонлигини ошириш тизимини яратиш зарурати ҳусусида фикр ва мулоҳазалар олиб бормоқда.
Шуларни инобатга олган ҳолда жорий йилнинг 14 сентябрь куни Ўзбекистон Республикаси Президентининг “Кичик бизнесни ривожлантиришни молиявий ва институционал қўллаб-қувватлаш чора-тадбирлари тўғрисида”ги қарори қабул қилинди.
Қарор билан қуйидагиларни назарда тутувчи Кичик бизнесни узлуксиз қўллаб-қувватлаш комплекс дастури (кейинги ўринларда Дастур) ишга туширилди.
Ҳусусан, Мазкур Дастур бўйича тадбиркорларни молиявий ва тадбиркорлик саводхонлигини ошириш ва уларда бизнес кўникмаларни шакллантириш мақсадида республика бўйича 14 та ҳудудда ташкил қилинган “Кичик бизнесга кўмаклашиш марказлари”да, қисқа ва ўрта муддатли амалий ўқув курслари ташкил этилади.
Бунда, марказларда дастур иштирокчиларининг бизнес кўникмалари мустахкамланади, марказ билан ҳамкорликда ўз бизнес лойиҳасини ишлаб чиқади ва эксперт гуруҳ олдида ҳимоя қилади. Натижада, қўлига сертификат олиб, молиявий инстурументлардан фойдаланиш имкониятига эга бўлади.
Марказларда хорижий малакали экспертлар жалб этилади, мақсадли ўқув дастурларини илғор халқаро тажриба асосида ишлаб чиқилади, шунингдек, ўқув жараёнларига нуфузли маҳаллий тадбиркорлар жалб этилади.
Дастурда иштирок этиш учун қуйидаги категориядаги тадбиркорлар “Кичик бизнесга кўмаклашиш маркази” МЧЖга онлайн ариза беришлари мумкин:
а) камида 1 йил фаолият юритаётган якка тадбиркорлар, деҳқон хўжаликлари, ўзини ўзи банд қилганлар, ҳунармандлар, касаначилар ҳамда нодавлат таълим ташкилотлари;
Маълумот учун. Бугунги кунда 1 йилдан ортиқ фаолият юритаётган 263 минг нафар якка тадбиркор, деҳқон хўжаликлари ва ҳунармандлар, 651 минг нафар ўзини ўзи банд қилганлар ва 4,3 мингта таълим ташкилотлари мавжуд.
б) 3 ва ундан ортиқ кишини доимий иш билан таъминлаб келаётган кичик тадбиркорлар;
Маълумот учун. Ҳозирда 143 мингта шундай кичик корхона фаолият юритади.
в) оилавий тадбиркорлик дастурлари доирасида бизнес лойиҳасини муваффақиятли амалга ошириб, ижобий кредит тарихига эга тадбиркорлар.
Маълумот учун. 2018–2023 йилларда оилавий тадбиркорлик дастурлари доирасида 21,6 трлн сўм кредит олган 607 минг нафар тадбиркор ижобий кредит тарихига эга.
Молиявий қўллаб-қувватлаш чораларидан кўзланган асосий мақсад – тадбиркорлик фаолиятини янада ривожлантиришдир.
Бундан ташқари дастур доирасида иштирокчиларга консалтинг хизматларини кўрсатилиши белгиланди.
Бунда:
– лицензия, рухсатнома ва сертификатлар олиш, божхона ва солиқ маъмуриятчилиги, экспорт ва импорт операциялари, шартномаларни расмийлаштириш;
– давлат харидларида иштирок этиш, шунингдек, ер участкалари ва бино-иншоотларни сотиб олиш ёки ижарага олиш ва лойиҳалаштириш;
– тадбиркорликни қўллаб-қувватлаш бўйича амалдаги имтиёз ва преференциялар, мавжуд бошқа енгилликлар ва имкониятлар ҳусусида маслаҳатлар берилади.
