Тошкентда Mercedes Gelandewagen ЙТҲга учради
Ҳолат бўйича расмий маълумот берилди.
Тошкент шаҳрининг Яккасарой туманида Mercedes Gelandewagen иштирокида йўл-транспорт ҳодисаси содир бўлди. Бу ҳақда шаҳар ИИББ ахборот хизмати маълум қилди.
Яккасарой тумани Шота Руставели кўчасида Mercedes-Benz русумли автомашинани бошқариб кетаётган 38 ёшли M.A. бошқарувни йўқотиб, темир ёритгичга тўқнашиб кетган. M.A.нинг сўзларига кўра, мазкур ЙТҲга ўзи билан бир йўналишда ҳаракатланаётган Nexia-3 манёвр қилиб, йўналишни кескин чапга ўзгартиргани сабаб бўлган.
Шундан сўнг M.A. хавфни айланиб ўтмоқчи бўлиб автомашина бошқарувини йўқотган ва темир ёритгич устунига бориб урилган.
ЙТҲ оқибатида тан жароҳати олганлар йўқ. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
