Сирдарёга банан қутиларда “пақилдоқ” олиб киришмоқчи бўлди
Тезкор тадбирда жами 123 млн сўмлик пиротехника воситалари аниқланган.
Сирдарё вилоятида пиротехника воситаларининг ноқонуний олиб кирилиши ҳолати аниқланди.
Маълум қилинишича, Сирдарё вилояти божхона бошқармаси Контрабандага қарши курашиш бўлими тезкор ходимлари томонидан вилоят ДХХ ва ИИБ ходимлари билан ҳамкорликда Сайхунобод тумани ҳудудида пиротехника маҳсулотларининг ноқонуний айланувига чек қўйишга қаратилган тезкор тадбир ўтказилган.
Тезкор тадбирда аввалдан кузатувга олинган шахс бошқарувидаги Isuzu юк автотранспорт воситаси тўхтатилиб, белгиланган тартибда кўздан кечирилган. Шундан сўнг автомашина юкхонасидаги банан қутилари орасида 8 қути пиротехника воситалари яширилган хорижда ишлаб чиқарилган ва ҳеч қандай ҳужжатлари бўлмаган қиймати 123 млн сўмлик 3 турдаги 201 минг донадан ортиқ пиротехника воситалари (салют ва петардалар) борлиги аниқланган.
