Тошкентда иссиқ сув нархи ошди
1 декабрдан янги нархлар амалда бўлади.
Тошкент шаҳрида иссиқлик таъминоти хизматлари учун янги нархлар тасдиқланди.
2023 йил 1 декабрдан Веолиа Энергй Ташкент МЧЖ ХК томонидан кўрсатиладиган иссиқлик таъминоти хизматлари учун тартибга солинадиган базавий нархлар қўшилган қиймат солиғисиз 664 465 сўм/Гкал даражасида, бунда:
- аҳоли учун — 91 960 сўм/Гкал;
- юридик шахслар учун — 212 660 сўм/Гкал;
- буджет ташкилотлари учун 801 963 сўм/Гкал даражасида тасдиқланди.
Марказлашган иссиқлик таъминоти тарифларини буджет ташкилотлари ва бошқа юридик шахслар учун кескин ошиб кетишининг олдини олиш мақсадида инвестицион харажатлар тариф структурасидан алоҳида ҳисобга олинган. Шунингдек, истеъмолчилар билан ҳисоб-китоблар иситиш даврининг ҳар бир кунига 1 квадрат метр иситиладиган майдон ҳисобида тўлаш тизимига ўтказилган.
