Тошкент аэропортида СИМ-карта сотиладиган савдо нуқталари ташкил этилади
Бунинг учун жойлар кимошди савдосига қўйилди.
Тошкент аэропортида СИМ-карталар савдо нуқтасини ташкил этиш учун жой кимошди савдосига қўйилди.
“Uzbekistan airports” бошқарув компанияси «Тошкент» аэропорти жўнаб кетиш терминалининг «стерил» ҳудудида, иккинчи қаватда Б5-Б7 ва Б1-Б2 сақлаш жойларида майдон ижараси учун лотни E-auksion.uz электрон платформасига жойлаштирди.
Техник шартларга кўра, умумий 4 кв.м майдонда иккита сақлаш жойларида хорижий уяли алоқа операторларининг СИМ-карталарини сотиш учун иккита савдо нуқтаси жойлаштирилиши керак. Лотларнинг йиллик бошланғич қиймати — 15,8 млн. сўмни ташкил этади.
Эслатиб ўтамиз, аукционда иштирок этувчи компаниялар барча техник шартларга мос келишлари лозим. Ижарачиларга қўйиладиган талаблар ва бошланғич нархлар Э-аукцион веб-сайтида барча учун очиқ жойлаштирилган. Кимошди савдоси қоидаларига кўра, дастлабки йиллик суммалар савдо пайтида камида 10 фоизга ошиши мумкин.
