Қорақалпоғистонда "заправка"лар иш вақтига чеклов киритилди
Ижтимоий тармоқларда Тошкентдаги шохобчалар ишлашида ҳам узилишлар бўлаётгани айтилмоқда.
Ҳаво совиши муносабати билан, Қорақалпоғистонда автомобилларга газ тўлдириш шохобчалари соат 06:00 дан 15:00 гача ишлаши белгиланди.
Қорақалпоғистон Республикасида жойлашган автомобилларга газ тўлдириш компрессор станциялари тун-у кун режимидан соат 6:00 дан 15:00 гача ишлаш режимига ўтмоқда.
Бу чеклов 9–14 декабрь кунлари ҳаво кесин совиб кетиши муносабати билан истеъмолчиларнинг табиий газга талаби ортиб, магистрал тармоқларда газ босими пасайишининг олдини олиш мақсадида киритилган.
Аввалроқ айни сабаб билан Андижон вилояти ҳокимлиги 4 декабрдан бошлаб вилоятдаги АГТКСлар иш вақти 6:00 дан 15:00 гача чекланиши ҳақида хабар берганди.
Айни пайтда ижтимоий тармоқларда Тошкент шаҳридаги газ қуйиш шохобчалари фаолиятида ҳам узилишлар кузатила бошлагани ҳақида маълумотлар бор.
Ноябрь ойида парламентда ҳисобот берган энергетика вазири Жўрабек Мирзамаҳмудов қаттиқ совуқ кунларда газ-шохобчаларига таъминот 30 фоизгача қисқартирилиши мумкинлигини айтганди.
