Ўзбекистон Янги йилда саёҳат қилиш учун машҳур давлатлардан бирига айланди
Янги йил байрамлари учун талаб юқори бўлган давлатлар аллақачон аниқланган.
Ўзбекистон Янги йил байрамида сайёҳат қилиш учун машҳур давлатлардан бирига айланди. Бу ҳақда РИА Новости Россия саёҳат саноати иттифоқига таяниб хабар берди.
Қайд этилишича, бу йил Янги йил саёҳатлари сотуви аввалгига қараганда фаолроқ. Сайёҳлар анъанавий равишда саёҳат нархи ва тўғридан-тўғри рейслар мавжудлигига эътибор беришади.
BSI Group компанияси вакилининг сўзларига кўра, Янги йил байрамлари учун талаб юқори бўлган давлатлар аллақачон аниқланган.
“Биз Россия бўйлаб ва 11 та хорижий мамлакатларга сафарларни таклиф этамиз. Ўзбекистон ва Арманистон биринчи ўринни эгаллади. Уларнинг асосий афзалликлари - тўғридан-тўғри рейслар, ўртача харажатлар ва арзон ички нархлар. Бундан ташқари, албатта, меҳмондўстлик ва гастрономия. Шу билан бирга, янги йилдаги турлар нархларининг ошиши минимал, бошқа саналарга нисбатан 10 фоиздан ошмайди”, — дея тушунтирди мутахассис.
Иккинчи ўринда Европа давлатлари ва Япония.
