Ўзбекистонда болаларнинг 30 фоизи миопия билан хасталанган — Зулфия Мақсудова
Шифокорнинг айтишича, кўз касаллиги билан шикоят қиладиган ҳар учинчи ёки тўртинчи беморда узоқни кўра олмаслик хасталиги аниқланмоқда.
Бугунги кунда Ўзбекистонда ёшлар, айниқса болаларда миопия (узоқни кўра олмаслик) хасталиги кўп учрамоқда. Ҳозирда кўз хасталиги билан шикоят қиладиган ҳар учинчи ёки тўртинчи беморда миопия аниқланмоқда.
"Жаҳон соғлиқни сақлаш ташкилоти прогнозларига кўра, 2050 йилга бориб Ер юзининг ярим аҳолиси миопия билан касалланади. Ҳозирда дунёда 30 фоизгача инсонлар узоқни кўра олмаслик билан хасталанган. Биз болаларда текширувлар ўтказдик. Шунда иқрор бўлдикки, болаларимизнинг 30 фоизи айнан миопия билан хасталанган экан. Энг ачинарлиси, ўша 30 фоиз болаларнинг ичида 40 фоизининг ота-онаси фарзандининг кўзи яхши кўрмаслигини билмайди", — деди шифокор Зулфия Мақсудова.
