Ўзбекистондаги кибержиноятлар сони очиқланди
Жорий йил 11 ойда 5,5 мингта кибержиноят содир этилган.
Ўзбекистонда бу йил 11 ойда 11 ойда 5,5 мингта кибержиноят содир этилган, шундан 70 фоизи банк карталари билан боғлиқ фирибгарлик ва ўғирлик жиноятлари ҳисобланади.
Президент бошчилигидаги видеоселекторда бугунги кунда мамлакатда 50 га яқин тўлов тизими бўлиб, уларнинг ҳаммаси ҳам киберхавфсизлик талабларига жавоб бермаслиги қайд этилган.
Ноябрь ойида IT воситасида содир этиладиган ҳуқуқбузарликларга қарши курашиш бўйича Президент қарори имзоланди.
Мутасадди вазирлик ва идораларга барча электрон тўлов тизимлари учун ягона киберхавфсизлик талабларини ишлаб чиқиш ва ижросини қатъий назорат қилиш топширилди.
