Тошкентда тунги ўғрилар кўпайгани айтилмоқда
Ҳолат юзасидан Бош Прокуратура изоҳ берди.
Ижтимоий тармоқларда Тошкент шаҳрининг Чилонзор туманида ўғрилар пайдо бўлганлиги, улар аҳоли ухлаётган вақтда хонадонларни эшикини очишаётганлиги ҳақида хабарлар эълон қилинган.
Аниқланишича, ушбу хабарда кўрсатилган ҳолатлар муқаддам ички ишлар органлари томонидан мазкур ҳудудлардаги видеокамераларда қайд қилинган ёзувлар, улардаги шахсларни аниқлаган ҳолда ўрганилган.
Ўрганиш натижасига кўра, ижтимоий тармоқда бу борада эълон қилинган хабарлар ўз тасдиғини топмаган.
Шу боис ижтимоий тармоқ фойдаланувчиларидан ҳар хил ҳақиқатга тўғри келмайдиган фейк хабарларни тарқатмасликларини сўраб қоламиз.
Ҳолат Бош прокуратура томонидан назоратга олинган.
