Мексикадан АҚШга кетаётган муҳожирлар сони ортиб бормоқда
Бу каби гуруҳлар кунига ўртача 8000 кишини ташкил қиляпти.
Душанба куни Марказий Америка ва Кариб денгизи фуқароларини ташкил қилувчи яна бир муҳожирлар гуруҳи Чиапоас штати орқали АҚШга йўл олди.
Мутасаддилар берган хабарларга кўра, бу каби гуруҳлар кунига ўртача 8000 кишини ташкил қилмоқда. Шу сабаб, АҚШ Давлат котиби Энтони Блинкен ва мамлакат ички хавфсизлик вазири Алехандро Майоркаснинг чоршанба куни ноқонуний мигрантлар оқимига қарши курашиш масалаларини муҳокама қилиш мақсадида Мексикага ташриф буюриши режалаштирилган.
Маълумотларга кўра, Колумбия ва Марказий Америка орқали АҚШ га келаётганлар сони бу йил ярим миллиондан ошган. Ўз навбатида, бу ўтган йилги рекорддан икки баравар кўп.
