Австриядаги тоғ-чанғи курортидаги осма кўприк узилиб кетди
Ҳодисага арқон устига дарахт қулаши сабаб бўлгани айтилмоқда.
Австриянинг Тирол шаҳридаги тоғ-чанғи курортида осма йўл узилиб кетди.
Ҳодиса оқибатида етти киши жабрланган. Тўрт киши оғир тан жароҳати олди, биттасининг аҳволи оғир.
Ҳодиса Эц аҳоли пункти яқинидаги Ахеркогельбан осма йўлда содир бўлган. Мутахассисларнинг тахминига кўра, арқон устига дарахт қулаши натижасида кабина шикастланган.
Ҳозирча осма йўл вақтинчалик ишдан чиққан. Ҳодисага нима сабаб бўлгани ва дарахт қандай қулагани аниқланмоқда.
Шуни таъкидлаш керакки, Ахеркогельбан осма йўлида 60 га яқин кабина мавжуд.
