Греция қирғоқларида муҳожирлар жасади топилди
Мамлакат қўриқлаш хизмати 18 мигрантни қутқаришга муваффақ бўлган.
Греция қирғоқ қўриқлаш хизмати кеча Лесбос ороли яқинида 18 муҳожирни қутқариб қолди. Шунингдек, ҳудуддан икки киши, жумладан бир аёл ва бир эркакнинг жасади топилган.
Мигрантларнинг оролга Эгей денгизидаги кучли шамоллар пайти қайиқда етиб келгани тахмин қилинмоқда.
Муҳожирларнинг сўзларига кўра, бортда жами ҳисобда 36 га яқин одам бўлган. Шу боис, соҳил қўриқчилари ва полиция ходимлари қирғоқда қидирув ишларини давом эттирган. Аммо мутасаддилар ҳозирча ҳеч ким топилмаганини таъкидламоқда.
