IPhone 16 тўрт хил ўлчамда чиқади
Янги версия тақдимоти жорий йил кузда бўлиб ўтади.
Х ижтимоий тармоғида iPhone 16 барча модификациясининг фотосуратлари пайдо бўлди. Расмларга янги маҳсулотлар дисплейининг диагоналлари ҳақидаги маълумот ҳам қўшимча қилинган.
Маълум қилинишича, жорий йилда iPhone ишқибозларига корпус ўлчамлари турлича бўлган тўртта модел тақдим этилади.
Турфа хил диагоналга эга қурилмаларнинг экранлари қуйидагича ўлчамда:
iPhone 16 - 6,1 дюйм;
iPhone 16 Plus - 6,7 дюйм;
iPhone 16 Prо - 6,3 дюйм;
iPhone 16 Pro Max - 6,9 дюйм.
Эслатиб ўтамиз, вертикал камера блокига эга iPhone 16 суратлари аллақачон интернетда пайдо бўлганди.
Айтиш жоизки, Apple'нинг янги флагманлари сиғимли камера билан жиҳозланади.
